راستے جب گلابوں سے ڈھک جائیں گے
ہم تمہیں ڈھونڈنے دور تک جائیں گے
پیش رو نسل کی دلبری کے لئے
زرد پتّے شجر سے سرک جائیں گے
ہم ہیں راہِ گُماں کے سفر پر رواں
راستہ مل گیا تو بھٹک جائیں گے
تم دلاسوں کے پتھر نہیں پھینکنا
درد کے دائرے دور تک جائیں گے
تبصرے
آنکھ بھر آسمان ... Eyeful Sky 
تم دلاسوں کے پتھر نہیں پھینکنا
درد کے دائرے دور تک جائیں گے
بے حد خوبصورت۔۔۔۔ تمہاری ذات سے متصل دائروں کا دائرۂ کار پھیلتا جا رہا ہے۔۔۔۔
جیو۔
احمد